Зачленете се во нашиот клуб на читатели и најновите текстови ќе ги добивате на вашата мејл адреса
Будимир Спасовски (44) од Куманово, кој една година работел на обезбедување на американската војска во Кабул, пред два дена бил пронајден мртов во собата каде спиел.
Безживотното тело наутро го пронашле неговите колеги, кои страшната вест ја јавиле на семејството. Американската приватна компанија по електронски пат потврдила дека Спасовски починал во сон од мозочен удар, како последица на висок крвен притисок.
Информацијата за смртта на кумановецот во градот ја пренесоа луѓе кои работат во базите на Ирак и Авганистан. Првично беше пласирано дека Спасовски загинал, откако бил погоден со снајпер во глава додека обезбедувал воен конвој.
Обдукацијата на телото треба да покаже која е причината за смртта, а посмртните останки ќе бидат донесени до крајот на неделата.
Министереството за надворешни работи немаше информација за смртта на кумановецот.
Во американските бази на Блискиот Исток моментално има над 2000 кумановци, кои работат како логистика на војската. Спасовски е еден од седумте Македоци кои настрадаа на Блискиот Исток , во последниве 6 години, отакако масовно заминуваат на печалба.
Пред да замине на работа во Авганистан, тој работел во службата за обезбедување на продавницата на Т-мобиле во Куманово. Членовите на семејство и соседите во шок не можат да веруваат за трагичната смрт на Спасовски.
Зачленете се во нашиот клуб на читатели и најновите текстови ќе ги добивате на вашата мејл адреса
