Зачленете се во нашиот клуб на читатели и најновите текстови ќе ги добивате на вашата мејл адреса
Кумановското обвинителство поведе постапка против 37-годишна жителка од Куманово, заради постоење на основано сомнение дека го сторила кривичното дело – Неовлстено производство и пуштање во промет на наркотични дроги, психотропни супстанции и прекурсори од член 215, став 1, од Кривичниот законик.
При извршен претрес, на 4 мај 2021 година, во домот на осомничената, овластените службени лица пронашле 11,53 грама наркотична дрога – хероин и едно пакување наркотична дрога – кокаин од 0,85 грама.
Осомничената заради продажба ја набавила наркотичната дрога. Хероинот го препакувала во одделни шест мали најлонски пакувања и ги криела во спалната соба.
Јавниот обвинител кој постапува во предметот, до судијата на претходна постапка при Основниот суд Куманово поднел предлог за определување на мерка куќен притвор за осомничената, поради постоење на опасност од бегство и повторување на кривичното дело.
Предлогот на обвинителството е прифатен, а судот на осомничената и определил куќен притвор во траење од 30 дена.