Куманово ќе добие лизгалиште

 На едно од игралиштата на Кејот на реката Кумановка, до крајот на месецот младите ќе добијат современо лизгалиште. Идејата за отварање на лизгалиште е актуелна од мината година, а на вчерашната седнаица Советот даде согласност и обезбеди почетни сретства за нејзина реализација.

Користејќи ги искуставта на поголемите градови на Балканот, но и Скопје, имаме желба и нашите дечиња да имаат една таква можност да уживаат во убавините на зимата. Остваривме контакт со фирми кои изнајмуваат опрема за лизгалиштето, и добивме понуда. Проектот ќе го води комерцијална фирма, а ние како Општина за потребите на учениците ќе добиеме гратис термини за развој на училишниот спорт- вели градоначалникот Зоран Дамјановски.

Доколку интересот на граѓаните биде голем, тогаш локалната самоупреава наредната година сама ќе инвестира во изградба на лизгалиште.Лизгалиштето ќе биде монтирано на околу 25 декември, а ќе работи до првата половина на март догодина.