Зачленете се во нашиот клуб на читатели и најновите текстови ќе ги добивате на вашата мејл адреса
Најсигурниот начин за сигурно и рано детектирање и дијагностицирање на ракот на дојка е преглед на мамографот, кој во јавното здравство во Куманово го нема веќе 5 години, потсетија денеска членките на Унија на жени на ВМРО-ДПМНЕ од Куманово на Градскиот плоштад, по повод месецот за подигање на свеста за борба против ракот на дојката.
„Досега не постојат доволно сознанија за ова болест и според тоа раната детекција е основа за контролата и менанџментот. Јасно е дека токму раната детекција, навремената дијагноза и третман ја зголемуваат можноста за излекување на пациентите“, изјави Ивана Лазаревска, претседателка на Унијата на жени на ВМРО-ДПМНЕ Куманово.
Таа додека дека заради тоа неопходно е подобро разбирање на знаците и симптомите на ова болест, но и редовен скрининг и самоконтрола. За таа цел секоја година во месец октомври се преземаат активности за подигање на свесноста и подобрување на разбирањето на ова болест, како една од најчестите малигни заболувања.
„Покрај розевите панделки охрабруваме и за подобра едукација во училиштата и на работните места. Тоа ќе помогне во ширење и подобрување на разбирањето на болеста, како и потреба од редовна самопроверка и скрининг“, потенцирање Лазаревска.
Унија на жени на ВМРО-ДПМНЕ денеска поделија флаери со едукативна содржина и розеви панделки за подигање на самосвест кај нашите сограѓанки за да контактираат со своите матични лекари, кои подоцна ќе ги упатат на неопходните дијагнистички прегледи во соодветните институции.
Зачленете се во нашиот клуб на читатели и најновите текстови ќе ги добивате на вашата мејл адреса
