“Куманово-паркинг“ со добивка ја заврши 2014 година

 Според директорот Фадиљ Шабани финансиското работење во претпријатието во континуитет се подобрува, па лани оствариле вкупна добивка од 100.000 денари, а во последниот квартал над 3 милиони денари.

“Четвртиот квартал ни беше еден од најдобрите и остваривме најголем приход. Преку тој приход успеавме за прв пат да ја завршиме годината со добивка. Дефинитивно јавното претпријатије ќе го заборави минатото кога финансиските извештаи беа во негатива. Верувам дека и понатаму ќе продолжиме со исто темпо и ќе имаме позитивни извешати. Многу е важно што покрај сите тешкотии успеавме да излеземе со позитива„ - изјави Шабани.

На вчерашната седница на Советот на општина Куманово, советниците ги усвоија извештајот за финансиско работење за последниот квартал од 2014 година, финансиско работење за цела 2014 година и извештај за работа за 2014 година. Советниците имаа забелешка за уличното осветлување во градот.