Кумановски акцијаши ќе учествуваат на меѓународни кампови, ги повикуваат младите да им се придружат

Тие ги повикуваат младите кумановци да се приклучат на кампот и да го почувствуваа акцијашкиот дух, да се дружат и да стекнат нови пријатели.

„Првиот камп ќе се одржи во Сјеница, Република Србија од 27 јули до 3 авуст, ќе учествуваат над 100 млади од поголем број на земји од Европа. Домаќин на кампот е Општината Сјеница под покровителство на Владата на Република Србија. На овој камп сме поканети да учествуваме со 9 млади и еден ветеран. Вториот камп ќе се одржи во Скопје, од 23 до 30 јули, во организација на здружението Акцијаши од Скопје, поддржано од Сојузот на волонтери акцијаши на Македонија и сите сродни здруженија од Македонија. На кампот ќе учествуваат волонтери еко акцијаши од балканските земји. Куманово треба да учествува со 10 млади и 5 ветерани“, велат од Кумановски акцијаши. 

Сите заинтересирани млади можат да се пријавите најдоцна до 02 јули на меил адресата:[email protected].