Зачленете се во нашиот клуб на читатели и најновите текстови ќе ги добивате на вашата мејл адреса
Педесетина угостители од Куманово, предпладнево организирано заминаа на протест пред Министерството за финансии, кој го организира Туристичко-угостителската комора. Тие заедно со своите колеги од целата држава ќе побараат помош и поддршка од државата за состојбата во која се наоѓаат поради коронакризата и рестриктивните мерки.
„Имаме доставено три барања до Владата и тоа: еднократна финансиска помош за регистрираните угостителски објекти во зависност од големината и бројот на вработени, конкретна финансиска помош за рестораните кои организираат свадби и веќе 14 месеци се затворени, како и мораториум на сите кредити или репрограмирање со грејс период на кредитите од комерцијалните банки и кредитите од Развојна банка, сè додека не почнат да работат без рестрикции. Се потешко и потешко е за работа и доколку не добиеме финсиска помош, најверојатно ќе има отпуштање на вработените, - изјави Тони Димитриевски Шеик, претседател на Здружението на угостители „Бисер“ од Куманово.
Во Куманово има над 50 угостителски објекти со околу 2000 вработени.
(С.Н.)