Зачленете се во нашиот клуб на читатели и најновите текстови ќе ги добивате на вашата мејл адреса
Од општинската организација на ЛДП Куманово велат дека пред две недели први ја информирале јавноста дека на граѓаните кои живеат во исто домаќинство им стигнуваат по неколку сметки за радиодифузна такса, но МРТ досега не презела ништо за да се спречи манипулацијата со незаконско оданочување.
По овој скандал, следуваше нејасно соопштение каде МРТ се извинува за направените пропусти и ги повика граѓаните да достават писмени барања за исправање на оваа грешка до одделението за радиодифузна такса. Меѓутоа од тука се гледа дека МРТ не кажува дека ќе ја поправи збрката со тоа што ќе бара наплата само за една сметка на една адреса, туку бара граѓаните да доставуваат писмени барања за исправка на настанатата грешка. ЛДП Куманово јавно прашува дали оние граѓани кои нема да достават писмени барања за исправка, ќе се сметаат за должници и истите можат да очекуваат на нивните врати да затропа извршител? - изјави Филип Јаневиќ, портпарол на ЛДП Куманово.
Според Јаневиќ, нејасно е дали оние граѓани кои платиле претплата поединечно ќе бидат обештетени.
Во исто време сакаме да ја охрабриме Дирекцијата за заштита на личните податоци докрај да истражи од каде и се на МРТ личните податоци на граѓаните и како оваа телевизија знае од колку члена е составено семејството на повеќето граѓани. Затоа бараме од МРТВ и УЈП без одлагање да престанат со ова подло однесување кон граѓаните во Република Македонија, поигрувајќи си со нивните нерви и толеранција - додаде Јаневиќ.
Од ЛДП Куманово апелираат оние кои ја направиле грешката по службена должност да ја исправат.
Зачленете се во нашиот клуб на читатели и најновите текстови ќе ги добивате на вашата мејл адреса
