Литературна вечер со Анна Багријана во Куманово

Програмата ќе биде збогатена со музичка изведба од младиот пијанист Јован Цветковиќ, модератор е Теодора Цветковиќ, а низ стиховите ќе не води  Теодор Јакимовски. 

Анна Багрјана е родена 1981 година во Фастов, Украина. Дипломирала и магистрирала украински јазик и литература на Филолошкиот факултет во Киев. Работела како новинар на телевизија, радио и печат. Oд 2007 до 2009 година била секретар на Советот на Здружението на писатели на Украина за работа со млади автори како и главен уредник на списанието  „Гранословие“. 

Добитничка е на многу награди и признанија, нејзините дела се преведени на  полски, азербејџански, француски, српски, хрватски, белоруски и на други јазици. Во нејзиниот книжевен опус се вбројуваат романи, драми, поетски збирки.  Авторка е на следниве дела: „Соцветие од зборови“, „Меѓу боговите и нас“, „Другите линии“, „Толку необична љубов“ , „Прошетка по јаже“, „Етимологија на крвта“, „Толку необична љубов“, „Дошкуљака“.Театарската сцена на  Украина, САД и Македонија се збогатени со нејзините драми. Книгите на Анна Багрјана се објавени во Полска, Македонија, Србија, Белгија и Бугарија.