Зачленете се во нашиот клуб на читатели и најновите текстови ќе ги добивате на вашата мејл адреса
Во Гимназија “Гоце Делчев“ денеска се оддржа литературно читање во чест на 8 март - празникот на жената.
Учениците и поетите од Друштво на писатели Куманово се претставија со свои творби, а беа прочитани и песни од македонски и светски познати автори.
Учествуваат 20 - тина ученици, инаку ова литературно читање е традиционално и се организира по повод меѓународниот ден на жената - 8 март. Учениците ќе дадат еден придонес, благодарност за своите професорки, за сите мајки, тетки, баби. Имаме уште една активност во петок. Сите професорки ќе добијат скромни покани во кои ќе има благородни мисли за љубовта, животот, мудроста - вели Лидија Тасевска, професор по македонски јазик.
Поетите велат дека преку ваквите поетски читања настојуваат да ги поттикнат учениците да читаат, творат и да ја сакаат книгата.
Ние соработуваме, овдека сме гости за патронатот и за 8 март и се надевам дека таа традиција ќе продолжи. Мотивот на Друштво на писатели е да ги поттикнеме учениците повеќе да читаат и повеќе да творат. Своите најубави мисли да ги преточат во песна или било каков текст, што ќе го привлече вниманието на другите - изјави Божана Трајковска, претседател на Друштво на писатели Куманово.
Поезија читаа учениците кои се дел од литературниот клуб кој функционира во училиштето.
Зачленете се во нашиот клуб на читатели и најновите текстови ќе ги добивате на вашата мејл адреса
