Мартин Костовски е нов организациски секретар на СДСМ

Костовски досега извршувал повеќе партиски функции, беше претседател и секретар на општинската организација на СДСМ Куманово.

Изборот на новото партиското раководство на Социјалдемократскиот сојуз на Македонија се одржа синоќа.

„Избравме мотивирани луѓе со знаење, искуство и интегритет, подготвени да работат за доброто на сите граѓани. Многу силна и многу интензивна работа почнува веќе утре. Направен е план за посета на сите општински организации. Има насоки за промена во делувањето, комуникацијата со луѓето, начинот на коишто ќе допреме до членовите и симпатизерите и оние коишто од некои причини не гласаа на изборите“, објави лидерот Венко Фипипче.

Нов генерален секретар на СДСМ е Александар Димитријевиќ, потретседатели на Централниот одбор Кристина Костова од Штип, Менде Илиевски од Битола, поранешната министерка Каја Шукова и професорката Ана Чупевска од Правниот Факултет. Нови организациски секретари се поранешниот пратеник Мартин Костовски од Куманово и Љупчо Фармакоски од општинската организација Центар.