Меѓународен фолклорен фестивал од 20 до 23 јули во Куманово

Фестивалот ќе се одржи по четврти пат на малиот градскиот плоштад во Куманово, а доколку временските услови бидат неповолни, ќе биде преместен во Центарот за култура „Трајко Прокопиев“.

 „Веќе се договорени учесниците и ги правиме подготовките за самате манифестација. Ќе имаме околу 250 учесници кои ќе продефилираат низ градските улици а потоа ќе настапат пред публиката. Од нашата земја ќе гостуваат шест друштва, две од Скопје, по едно од Битола, Крива Паланка, и ние како домаќини ќе го отвориме фестивалот. Ние сме горди што фестивалот предизвика толку голем интерес кај публиката и тоа ни е мотив повеќе оваа година да трае подолго и да имамем разноврсни гости“, изјави Мирослав Крстевски, уметнички директор на фестивалот.

Советот на фестивалот го одржа првиот состанок, на кој главно се зборуваше за начинот на организација и обезбедувањето на финансиси средства за фестивалот.

Организатори на фестивалот се Младинскиот културен центар (МКЦ) и  КУД „Панче Пешев“, со подршка на  Општина Куманово и Минситерството за култура.