Министерот Спасовски се вакцинираше со кинеската вакцина „Синофарм” во Куманово

По вакцинирањето министерот се заблагодари на сите здравствени работници, на оние кои се грижат за болните во ковид центрите, како и на медицинскиот персонал кој ја спроведува вакцинацијата. Притоа истакна дека ја извршил својата лична и граѓанска должност, со тоа што ја примил првата доза од вакцината.

„Тоа е обврска на секој граѓанин имајќи во предвид со што се` соочуваме во пандемијата со ковид-19. Само имунизацијата на населението може да помогне да ја победиме оваа болест и затоа е многу важно сите граѓани од Куманово и државата да се вакцинираат. Без разлика на која вакцина се работи важно е да се спречи ширењето на вирусот, бидејќи сите вакцини се проверени и безбедни“,  изјави Спасовски.

Министерот кажа дека во Куманово веќе се вакцинирало 10 проценти од населението, што ја покажува одговорноста на граѓаните.

Тој ги повика сите кои што се` уште не се пријавиле да го сторат тоа што поскоро на веб-страницата www.vakcinacija.mk.

(С.Н.)