Зачленете се во нашиот клуб на читатели и најновите текстови ќе ги добивате на вашата мејл адреса
Триесетина ученици денеска во просториите на Црвен Крст, се запознаа со проектите за промоција на хумани вредности, како се изработуваат, документираат и како преку нив да се помогне на локалната заедница.
По завршување на три обуки, основците и средношколците ќе треба да осмислат и реализираат проекти за помош на ранливото население.
“До 14 мај можат да аплицираат со проектите. Ги реализираме, документираме и препраќаме до Црвен Крст на Република Македонија. Може да се собираат пари за помош на некое загрозено семејство, да однесат пакети со храна, облека, да помогнат во социјализирање на луѓе кои се далеку од градот“ - рече Сања Росевска, дисеминатор за пхв проекти.
Вакви проекти во Куманово се реализирани во претходните години.
“Еден од најважните проекти беше “Различни , но сепак исти“. Целта на овој проект беше да ги запознаеме другите националности кои живеат во Куманово. Проектот траеше месец дена, ги презентиравме нашите традиционални јадења“ - изјави Филип Кузмановски, волонтер во Црвен Крст.
Учениците кои ќе реализираат најдобри проекти за промоција на хумани вредности, како награда ќе учествуваат на работилници во Македонија.
Зачленете се во нашиот клуб на читатели и најновите текстови ќе ги добивате на вашата мејл адреса
