Модна ревија на матурантите од „Перо Наков“ во Занаетчискиот дом во Куманово

Ваков настан се организира за прв пат во училиштето, а намерата е да прерасне во традиционална манифестација.

„На ревијата со свои модели ќе учествуваат 32 ученика, од кои 27 што наставата ја следат на македонски јазик и 5 од паралелките на албански наставен јазик. Учениците од кожарската струка изработија редизајн на 4 пара стари обувки, кои исто така ќе бидат презентирани. Креациите се комплетно дело на учениците, со мала помош на професорите и стручните лица во делот на изработката. Од насоката за графички дизајн десетина ученика ќе ги покажат креациите што тие ги сработиле“, изјави Фросина Митковска - Цветковска, професорка.

Организатор на ревијата е самото училиште, а во подготовката учествувале 10 професори, дел на стручните предмети, како и нивните колеги.   
 

„Најмногу сме професори кои предаваат на текстилно-кожарската струка, но во организацијата се вклучија да ни помогнат колегите македонисти затоа што на ревијата ќе има и литературно читање и колегите од насоката за графички дизајн. За прв пат организираме јавна презенатација на она што го работиме и што сме го научиле во изминатите 4 години во училиштето, но се надеваме дека ќе воведеме традиција и дека ваквиот начин на промоција на нашите обучени кадри ќе продолжи и во иднина“, вели Митковска - Цветковска.

 Финасиите во целост ги обезбедило училиштето, а моделите се изработени во модни студија или кај искусни шивачки каде децата одат на пракса. Ревијата нема продажен карактер, но можно е некој од моделите да се подари на матурантка. Останатите ќе се чуваат во училиштето како пример за изработка за наредните генерации.

     Влезот е слободен за сите заинтересирани посетители, кои би сакале да ја погледнат ревијата.