Зачленете се во нашиот клуб на читатели и најновите текстови ќе ги добивате на вашата мејл адреса
Министерството за внатрешни работи ги информира граѓаните дека поради миграција во нов систем, од среда (23.06.2021) започнувајќи од 21 часот, заклучно до недела (27.06.2021) до 21 часот нема да биде во функција системот за прием и издавање на лични документи: лична карта, пасош и возачка дозвола.
„Од тие причини се известуваат граѓаните кои имаат закажано термин за аплицирање за личен документ во итна постапка во деновите 23, 24 и 25 јуни 2021 година, да дојдат во просториите на МВР каде што имаат закажан термин за личен документ на 22.06.2021 година во текот на целиот работен ден или на 23.06.2021 година до 12 часот. Граѓаните кои имаат закажан термин за 23, 24 и 25 јуни 2021 година, во редовна постапка, правото за поднесување на барање за личен документ, ќе можат да го остварат во било кој термин на исто место каде што имаат закажано во периодот од 28. 06. 2021 година заклучно со 02. 07. 2021 година“, информира МВР.
Воедно ги информираат граѓаните дека готовите лични документи да ги подигнат до 23.06. 2021 година до крајот на работното време, бидејќи на 24 и 25 јуни нема да биде овозможено издавање на истите.
Зачленете се во нашиот клуб на читатели и најновите текстови ќе ги добивате на вашата мејл адреса
