Во сабота ќе со одржи годишното собрание на ИПА регион Куманово, ќе присуствуваат делегации од регионот

 На настанот ќе присуствуваат и делегации од збратимени региони од странство и тоа од Добој, БиХ ,Лесковац и Косовско Поморавље од Р.Србија, како и  делегации од ИПА Национална секција, како и членови од Скопје,Прилеп,Штип и голем број на пријатели и поддржувачи на асоцијацијата.

Во работниот дел од собранието ќе бидат разгледани пристигнатите кандидатури и ќе бидат пополнети испразнети места во Надзорниот Одбор на регионот, а ќе се разгледа и годишиот извештај и План за работа за следната година. На свечениот дел од собранието ќе биде потпишан Меморандум за соработка помеѓу ИПА Регион Куманово и ИПА ВИП Клуб Алба Јулиа од Романија. 

ИПА Регион Куманово функционира во рамките на ИПА Национален оддел, и претставува втор најголем регион со преку 750 активни членови. Досега има организрано многубројни хуманитарни акции, спортски натпревари, научни трибини, на кои земаат учество голем број домашни и меѓународни ИПА средби.

Асоцијацијата е најголемо меѓународно полициско здружение на активни и пензионирани припадници на полицијата во светот. Таа функционира во повеќе од 50 држави во светот, а наменета е исклучиво на припадници на полицијата. 

Генералниот слоган на ИПА е "Во служба преку пријателство".