Зачленете се во нашиот клуб на читатели и најновите текстови ќе ги добивате на вашата мејл адреса
Бројни делегации од градот и од збратимените градови денеска положија свежо цвеќе на Спомен Костурница и со пригодна програма го одбележаа Денот на ослободувањето на Куманово од фашистичкиот окупатор.
Пред присутните се обрати градоначалникот Зоран Дамјановски, кој рече дека 69 години Куманово опстојува слободно што е многу значајно за самобитноста на македонскиот народ.
Овој ден е од клучно, судбинско значење за нас и нашето опстојување низ времето. Борбите на македонските партизани за ослободување на градот беа завршни од низата борби од НОБ која започна на 11 октомври 1941 година. Куманово заедно со Прилеп во таа година беа градови знаменосци во борбата за ослободување на Македонија. Низ периодот на народната епопеја во тој историски контекст се остваруваше вековниот стремеж на македонскиот народ за слобода и самобитност, а круната на таа борба беше Првото заседание на АСНОМ оддржано неколку месеци пред ослободувањето на Куманово, на 2 август 1944 година во манастирот Прохор Пчински - изјави градоначалникот.
Тој вели дека борците ги дале животите за слобода и со тоа ги заложиле денешните политичари да обезбедат демократски, современи услови за живеење и економски просперитет.
Зачленете се во нашиот клуб на читатели и најновите текстови ќе ги добивате на вашата мејл адреса
