Зачленете се во нашиот клуб на читатели и најновите текстови ќе ги добивате на вашата мејл адреса
На Спомен Костурницата во Куманово денеска беше одбележана 80 - годишнината од Денот на ослободување на Куманово. Со полагање на свежо цвеќе им беше оддадена почест на загинатите борци во Втората светска војна.
Пред присутните се обрати Цоки Ристовски, претседател на Сојузот на борците Куманово кој потсети на историските факти и деталите кои се однесуваат на Денот на градот.
„Одбележувањето на државните празници и одавањето на чест на сите наши претходници вградени во слободата и државноста се мал дел од нашата должност кон нашето достоинствено минато. Овие празници имаат за цел да ја обноват колективната меморија и да потсетат за катастрофите низ историјата, но пред се да го подигнат чувството на гордост“, истакна Ристовски пред присутните, инаку претседател на Сојузот на борците Куманово.
На свеченоста присуствуваа делегации од Општина Куманово, делегации на амбасади, на збратимените градови, политички партии, јавни претпријатија и установи, членови на здруженија на граѓани и невладини организации, како и членови на семејствата на загинатите борци.
Химната ја изведе Градската музика, а Дарија Трендефиловска од средното училиште „Наце Буѓони“ ја изрецитира „Везилка“ на Блаже Конески.
Зачленете се во нашиот клуб на читатели и најновите текстови ќе ги добивате на вашата мејл адреса
