Зачленете се во нашиот клуб на читатели и најновите текстови ќе ги добивате на вашата мејл адреса
Сообраќајот на државните патишта се одвива непречено, по наместа влажни коловози, а на одредени мeста во услови на магла.
Како што информира АМСМ намалена видливост поради појава на магла до 100 м. на патниот правец Куманово – Страцин, од 50 – 100 м. има на патните правци Скопје – Велес и Велес – Скопје, од 40 – 50 м. на патниот правец Тетово – Скопје, од 30 – 50 м. на патните правци Битола – Прилеп и Кичево – Охрид, од 80 – 100 м. на патниот правец Велес – Штип, до 100 м. на патниот правец Неготино – Д.Капија и од 80 – 100 м. на планинскиот превој Буково.
Од 15 ноември започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2021 година.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Зачленете се во нашиот клуб на читатели и најновите текстови ќе ги добивате на вашата мејл адреса
