Наврнаа 7 литри дожд во Куманово

Од Регионалниот центар за управување со кризи, велат дека водотеците се стабилни, бидејќи се работи за мало количество на дожд. Дневните температури во Куманово денеска се движат околу 6 степен.

“Врнежите ќе бидат пообилни доцна попладне и во вечерните часови,  особено во западните и јужните делови, каде локално се очекува да наврнат околу  20л/м2 воден талог. Утре ќе преовладува променливо облачно време, претпладне со локални врнежи од дожд со послаб интензитет“ - велат од УХМР.

Во вторник ќе настапи преодно стабилизирање на времето, а од среда  повторно ќе има повремени врнежи од дожд, а на планините од снег.