Зачленете се во нашиот клуб на читатели и најновите текстови ќе ги добивате на вашата мејл адреса
Oпштина Ранковце попладнево ја зафати големо невреме проследено со пороен дожд и силен ветер.
Градоначалникот, Ивица Тошевски, информира дека најпогодени се селата Гиновци, Петралица и делови од Одрено.
„Невремето траеше неполн час, но направи голема материјална штета. Бутнати се дрвја покрај патот, однесени се ќерамиди и дел од кровни конструкции, искинати се кабли за интернет, телефон и електрична енергија. Има прекини во напојувањето со електрична енергија“, вели градоначалникот Тошевски.
Територијалната противпожарна единица од Ранковце, со поддршка од приватна фирма ги отстранила паднатите дрвја. Штетите од невремето допрва ќе се утврдуваат.
(Фото: архива)