„Ние сме Европа“ - трибина на Владата во понеделник во Куманово

На трибината ќе говорат: претседателот на Владата, Димитар Ковачевски, вицепремиерот за европски прашања, Бојан Маричиќ, Фатмир Битиќи, заменик на претседателот на Владата задолжен за економски прашања, Фатмир Бесими, министер за финансии, а видео обраќање ќе имаат амбасадорот на Европската Унија во Македонија, Дејвид Гир, како и амбасадорката на Германија во Македонија, Петра Дрекслер.

„Владата предводена од СДСМ и Секретаријатот за европски прашања ги афирмираат европските вредности, во време на важни одлуки за продолжување на пристапниот процес во ЕУ, кои не засегаат сите нас и тоа во духот на демократијата, мултикултурата, владеење на правото и економскиот напредок. Владата ги поканува сите граѓани на Куманово да бидат дел од овој настан, каде што ќе можат директно од премиерот и останатите учесници на трибината да ги слушнат придобивките од членството на Македонија во ЕУ во областа на енергетиката, како и да отворат точки на дискусија кои се однесуваат на процесот и придобивките од полноправното членство на Македонија во европското семејство“, кажа денеска на прес-конференција Александар Митрички, портпарол на општинската организација на СДСМ.

Кампањата “Ние сме Европа“ се реализира во Прилеп, Битола, Куманово, Охрид, Скопје, Струмица, Тетово и Штип, каде што се организираат средби со граѓани на кои се отвораат прашања на неколку теми и тоа: земјоделство, туризам, култура, економија, млади, социјала, инфраструктура.