Зачленете се во нашиот клуб на читатели и најновите текстови ќе ги добивате на вашата мејл адреса
Коалицијата на СДСМ е победник на овие избори иако синоќа имаше некаква спектакуларна прослава на Градскиот плоштад, кажа кандидатот за градоначалник на СДСМ Оливер Илиевски на денешната прес конференција. Тој вели дека тие имаа најголем број на членови во советот, а разликата во резултатот помеѓу него и Димитриевски е само дваесетина гласа, па победникот ќе се знае дури по вториот круг на изборите.
„СДСМ има коалициски капацитет со тоа што централно ниво сме колаиција со ЛДП и ДОМ, и гласовите од таму, се надеваме дека ќе дојдат на наше конто. Исто така имаме коалиција и со ДУИ, БЕСА и ДПА, и ние сме сигурни победници во вториот круг на изборите. Сакам да ги поканам сите граѓани на Куманово да не потпаѓаат на манипулации, да се вклучат во кампањата на СДСМ и колаицијата, затоа што овие избори се за Куманово. Да го направиме Куманово во наредните 4 години такво со кое сите ќе се гордееме. Видовме во последните дебати, дека некој има ставено проекти за кои самиот кажува дека нема пари да ги реализира, а ја видовме и нивната неспособност во последните 4 години“, кажа Илиевски.
Тој најави дека во наредните 12 дена ќе ги отркријат сите манипулации, непринципиелни договори, манипулации и негативна кампања која биле водена од нивниот противкандидати.
Затоа ги повика граѓаните во вториот круг на изборите да победи чесноста, вредноста и упорноста, за да не победи она за што се бореле до пред 4 години.
Носителката на листата Атина Мургашанска кажа дека со освоените 11.727 гласови имаат убедливото мнозинство и тоа е само уште еден доказ дека СДСМ и коалицијата ја имаат најдобрата програма, која ја црпат од потребите на граѓаните, со одлучни и ефикасни модерни решенија.
„Остануваме и понатаму водечка сила во Советот на Општина Куманово и понатаму сме тука отворени за граѓаните, да ги имплементираме најдобрите политики, да ги решаваме сите комунални и инфраструктурни проблеми на нашите граѓани. Да понудиме иднина на нашите деца. Ве повикувам да не подлегнете на манипулациите, на уцените и во исто таков број да дадеме поддршка во вториот круг за единствениот социјалдемократ Оливер Илиевски, кој ќе биде имплементатор на политиките кои мнозинството на СДСМ и коалициските партнери ќе ги носи во Советот на општина Куманово. Не верувајте на лажните левичари, има само едни социјалдемократи, има една единствена и чесна понуда „За едно општество за сите. Ќе бидат извадени на светлина тајните договори со денсичарските партии и нивната лажна опција дека се носители на прогресивниот концепт ќе падне во вода“, истакна Мургашанска.
Во Советот на Општина Куманово СДСМ досега има потврдени 10 советнички места.
Зачленете се во нашиот клуб на читатели и најновите текстови ќе ги добивате на вашата мејл адреса
