30. 07. 2020 14:55

Нов кластер во Куманово - 15 новозаразени и 10 оздравени од коронавирус

Нов кластер во Куманово - 15 новозаразени и 10 оздравени од коронавирус

 Петнаесет нови случаи позитивни на ковид-19 од Општина Куманово, денеска, се регистрирани во Центарот за јавно здравје Куманово.

Како што соопштува директорот на Центарот за јавно здравје, Ариф Љатифи, повеќето заразени се од веќе познати кластери, но има и нов кластер.

„Имаме 15 новозаразени, сите се од Општина Куманово и се од веќе познати кластери, а има и нов кластер. Дел од заразените велат дека не знаат од кај се заразиле“, вели тој.

Во последните 24 часа се направени 1325 тестирања, а регистрирани се 119 нови случаи на ковид-19 во: Скопје 35, Куманово 15, Штип 17, Прилеп 3, Тетово 4, Струга 3, Велес 3, Битола 8, Охрид 3, Кавадарци 2, Гостивар 8, Крива Паланка 1, Кочани 1, Демир Хисар 5, Берово 1, Свети Николе 1, Кичево 8 и Ресен 1

Починати се 4 лица, три пациенти од Скопје и пациент од Гостивар.

Денеска Институтот за јавно здравје регистрира 89 оздравени пациенти од: Скопје 22, Куманово 10, Штип 12, Тетово 26, Струга 1, Велес 1, Битола 4, Пробиштип 2, Демир Хисар 1, Кратово 1, Св.Николе 2, Кичево 3  и Ресен 4.

Досега во земјата се направени вкупно 100940 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 10617, бројката на оздравени пациенти е 6020, на починати е 480, а во моментов бројот на активни случаи во земјата изнесува 4117.

2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk