Нова опрема, клупи и столчиња за учениците во гимназијата „Гоце Делчев“ Куманово

„По завршување на новата подна подлога, набавивме и две нови машини за чистење на истите, клупи и столчиња за сите ученици и нова канцелариска опрема наменета за вработените во Гимназијата. Инсталирани се и 8 инвертер клима уреди. Монтажата и поставувањето на фотоволтаична централа на кровот на училиштето е завршено, сега се очекува дозвола и приклучок од ЕВН кон електродистирбутивната мрежа, со што ќе започнеме да ја користиме опремата и да штедиме струја“, изјави директорката Марија Тодоровска.

Последните денови повторно се интензивираа сајбер-нападите врз училиштата и државните институции по што Министерството за образование и наука донесе одлука училиштата кои ќе ги евакуираат учениците во најкус можен рок да воспостават онлајн настава за да нема пропуштање на наставниот материјал.

„Насоките ги добивме и веќе со колегите разработивме план и начин на постапка. Но, сите искрено се надеваме дека никогаш нема да го примениме - и за да се избегне стресот кај децата и професорите, и да не го загрозуваме самиот воспитно-образовен процес“, истакнува Тодоровска.

 Во меѓувреме наставата се одвива редовно и непречено, со користење на новата опрема на задоволство на сите.