Зачленете се во нашиот клуб на читатели и најновите текстови ќе ги добивате на вашата мејл адреса
Пет нови вработувања се реализирани во последниве неколку месеци во јавното комунално претпријатије “Козјак“ во општина Старо Нагоричане.
Вработени се книговодител, благајник, електричар, кафекуварка и инкасатор. Од “Козјак“ објаснуваат дека им се зголемува опфатот на надлежности и затоа им се неопходни нови вработувања.
“Со новите вработувања имаме вкупно 13 вработени. Имаме повеќе работа, бидејќи почнавме да ги преземаме локалните водоводи кои порано беа под месните заедници. За година дена преземавме 2-3 водоводи. Работиме на усовршување на водоводите со автоматика. Ја одржуваме и бањата Стрновац, ја покривме и уредивме“ - вели Борко Соколовиќ, директор на “Козјак“.
Соколовиќ објаснува дека располагаат со две возила, а во иднина се планира набавка на ново теренско возило.
Зачленете се во нашиот клуб на читатели и најновите текстови ќе ги добивате на вашата мејл адреса
