Обоена водата во Пречистителната станица во Куманово

„Веднаш е стапено во контакт со одговорното лице на ЈП „Водовод“ Куманово пречистителна станица и овластениот испектор за животна средина и се дадени се усни упатства да се земат примероци за анализа, да се проверат главните фекални шахти и правните субјекти кои произведуваат бои и други инсталации кои што можат да направат обојување на отпадните води“, соопштуваат од Државен Инспектор за животна средина од Одделението за инспекциски надзор во животната средина-Североисточен и Источен регион, канцеларија Крива Паланка, кои вчера извршиле вонреден инспекциски надзор и на Пречистителна станица за третирање на отпадни води во село Доброшане. 

 Резултатите од анализите на земените примероци направени во сопствената лабораторија за концентрација на влезните параметри на отпадни води покажале дека се во граничните вредности.

Испратен е допис до Општина Куманово за запознавање на градоначалникот, а општинскиот Инспекторат да изврши вонредни инспекциски надзори во субјекти кои генерираат отпадни води и се под општинска надлежност.