Зачленете се во нашиот клуб на читатели и најновите текстови ќе ги добивате на вашата мејл адреса
Од ноќеска (28.03) во два часот по полноќ почнува летното сметање на времето. Стрелките на часовникот ќе се поместат за еден час понапред и во 2 часот ќе покажуваат 3 часот. Летното сметање на времеот ќе заврши на 31. октомври годинава во 3 часот, кога ќе се премине на зимското сметање на времето.
Преминот од летно на зимско време првпат е забележан во 1916 година во земјите на северот на Европа, а досега е воведено во околу 70 земји, за да се заштеди енергија.
Се очекуваше оваа година да се укине задолжителното поместување на часовникот во земјите на Европската унија. Предлогот беше одобрен од страна на Европскиот парламент и секоја членка на Унијата требеше да има можност да избере дали да остане во летното сметање или во зимското сметање на времето. Но, Советот на ЕУ сè уште нема донесено конечна одлука, па не е сосема сигурно дека ова ќе биде последното поместување на часовниците во ЕУ.
Зачленете се во нашиот клуб на читатели и најновите текстови ќе ги добивате на вашата мејл адреса
