Одбележан празникот „Свети Сава“ во Куманово

 На прославата присуствуваа бројни гости од Србија и земјава, а домаќин им беше градоначалникот на Куманово, Максим Димитриевски. 

„Куманово е мултикултурен, мултиетнички град, живееме во мир и разбирање повеќе од десет етнички заедници, различни по политички и верски уверувања. Куманово е град со бурна историја, се одиграле голем број на значајни битки не само на овие простори туку и пошироко на Балканот. Град којшто е вражан во македонската, но и во балканската историја. Токму вечерва ова одбележување на овој голем празник за Србите во Македонија, „Свети Сава“ е еден од тие убави моменти. Во мое лично име и од името на сите граѓани на општина Куманово, на сите Срби во Македонија им го честитам овој голем празник“, рече Димитриевки во обраќањето.

Во културно- уметничката програма учествуваа актери од Српско народно позориште, оперскиот пејач Оливер Њего и оркестарот „Станислав Банички“- уметнички ансанбл на Министерството за одбрана на Р.Србија, како и ученици кои посетуваат настава на српски јазик и КУД „Српски вез“ од Куманово.

Предходно, српската делегација предводена од потпретседателот на Владата и министер за одбрана, Милош Вучевиќ, беше во посета на  основното училиште „Карпош“ во с. Умин Дол, како и во просториите на  КУД „Српски вез“. 

 „Свети Сава“ е национален празник на Србите во Македонија, и 27 јануари е неработен ден за сите припадници на српската националност.