Зачленете се во нашиот клуб на читатели и најновите текстови ќе ги добивате на вашата мејл адреса
Движењето „Одлучно за промени“ утре во селото Орашац ќе спроведе акција за пошумување, со што симболично ќе засадат 1000 дрвја колку што добија гласови во првиот круг на локалните избори. Кандидатката за градоначалничка Теодора Димитровска ги повика граѓаните да им се придружат на акцијата, а останатите кандидати да го следат нивниот пример и да дадат свој придонес во зачувување на животната средина.
„Во текот на кампањата покажавме дека секој глас ни значи и нашето мото беше „Твојот глас значи“ и така сакаме да продолжиме. Утре ќе спроведеме акција во која ќе засадиме онолку дрвја, колку што ни дадовте гласови. Мислам дека програмите остануваат само лист хартија доколку не бидат исполнети и реализирани. Tака што како движење одлучивме да го исполниме она што граѓаните ни го дадоа, нивната доверба, со тоа што ќе засадиме повеќе од 1.000 дрвја, затоа што јас кандидат за градоначалникот и советничката листа зедовме над 1.000 гласа. 1000 гласа, 1000 дрвја, затоа што секој глас за нас значи и ги слушаме потребите на граѓаните. Она што ние ќе го направиме е показател на тоа дека и после изборите и сите програми да останеме на тоа да си го градиме градот во каков што сакаме да живееме“, кажа Димитровска.
Таа ги повика сите кандидати кои се уште се во трката, но и оние кои испаднаа, своите гласови да ги преточат во подобрување на животната средина и стандардот во Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
