Зачленете се во нашиот клуб на читатели и најновите текстови ќе ги добивате на вашата мејл адреса
Голем интерес за советничката листа на СДСМ за престојните локални избори. Преку 90 кандидати за советник се пријавиле за советничката листа на СДСМ, констатирал ИО на СДСМ во Куманово на синоќешната седница. Дел од пријавените се советници во актуелниот состав.
„Околу 90 партиски членови пополнија пријава за кандидат за советник за наредниот состав на Советот на општината. Извршниот одбор на ОО СДСМ Куманово е со заеднички став дека ќе бидат доставени до централното партиско раководство сите предлози за кандидати како за градоначалници, така и за советници. Ние сме амбициозна општинска организација и имаме што да понудиме. Конечната одлука ја носи централниот одбор на СДСМ предводен од претседателот и премиерот Зоран Заев, а која се очекува официјално да биде донесена до крајот на месец август“, изјави Катерина Пешиќ Бошковска - портпарол на ОО СДСМ Куманово.
Кандидати за градоначалник од СДСМ се Максим Димитревски, Мартин Костовски, Атина Мургашанска и Оливер Илиевски.
Зачленете се во нашиот клуб на читатели и најновите текстови ќе ги добивате на вашата мејл адреса
