Зачленете се во нашиот клуб на читатели и најновите текстови ќе ги добивате на вашата мејл адреса
Наградите „8-ми Октомври“, „Почесен граѓанин на Крива Паланка“ и „Признание за особени постигнувања и придонес за развојот и афирмацијата на Општина Крива Паланка“ за 2021 година и годинава ќе бидат доделени на заслужни поединци и правни лица, по повод Денот на ослободувањето на oпштината.
Наградата „8-ми Октомври“ се доделува на физички и правни лица од општината Крива Паланка и од државата, во знак на општествено признание за особени постигнувања во стопанството, науката, уметноста, културата, спортот, воспитанието и образованието, заштитата и унапредување на животната средина и природата, како и во други области на трудот и творештвото од значење за развојот на Крива Паланка и нејзина афирмација во зeмјата и во светот.
Покрај на физички и правни лица, наградата се доделува и на ученици и студенти за творечки труд или за континуирани успешни резултати во наставни и воннаставни активности.
Општината доделува и награда „Почесен граѓанин на Крива Паланка“ за исклучителни заслуги и афирмација на градот во Европа и светот, како и „Признание за особени постигнувања и придонес за развојот и афирмацијата на Општина Крива Паланка“.
Предлозите треба да бидат доставени, најдоцна до 28.09.2021 година.
Линк до конкурсот за наградите тука
https://www.krivapalanka.gov.mk/wp-content/uploads/2021/09/konkurs-za-8-oktomvriska-nagrada-2021-1.pdf