Општина Куманово ќе одвои 3 милиони денари за поддршка на здруженија кои ќе даваат социјални услуги

Повикот ќе трае до 27 февруари, а услугите ќе се однесуваат на лица со попреченост, деца на улица или од социјално загрозени семејства и стари лица.

„Ова година за првпат Општина Куманово разви социјален план и имаме многу активности кои би сакале да ги поддржиме, почнувајќи од шелтер-центар до деца со посебни потреби. Зависно од организациите кои ќе се јават на повикот ние ќе се прилагодуваме со нашиот социјален план, но онаму каде нашиот план и програмата на невладините организации се поклопуваат тие ќе имаат приоритет“, изјави Александар Крстевски, раководител на општинскиот Сектор за култура, спорт, социјална заштита, заштита на децата и здравствена заштита.

Право на аплицирање за финансиската поддршка имаатздруженија и други правни лица од Куманово, кои вршат работа во давањето на услуги на информирање и упатување, услуги на стручна помош и поддршка, советување, услуги во домот и заедницата, услуги за вон-семејна заштита итн.

   Потребната документација и барањата за аплицирање се јавно објавени,н о за сите недоумици заинтересираните можат да ги контактираат општинските служби.

   Минатата година оваа мерка ја користеле здруженијата, „Инклузива“ и „Порака наша“.