Зачленете се во нашиот клуб на читатели и најновите текстови ќе ги добивате на вашата мејл адреса
Општина Куманово ги повикува сопствениците на фирми да ги исчистат пристапот до нивните објекти, бидејќи тоа е нивна законска обврска.
„Апелираме на сопствениците на трговските дуќани да го почитуваат законот и да ги исчистат снежните наноси пред влез и излез на дуќанот, бидејќи тоа е нивна законска обврска. Дополнително комуналната инспекција ќе изврши увид во состојбите“, - соопшти вчера Општината.
Тие ги повикуваат граѓаните, кои ги чистат снежните наноси пред дворните места и тротоарите снегот да го собираат на едно место, наместо да го исфрлаат на улиците, бидејќи создаваат дополнителен проблем во проодноста на улиците и непречено движење на возила. Собраниот снег ќе го подигнат службите на ЈП „Чистота и зеленило“ по приоритетноста на улиците.
Исто така од Општината апелираат до граѓаните да внимаваат при учество во сообраќајот, да не ги паркираат своите возила на јавно-прометни површини, на кои што се чисти снег бидејќи дополнително ја отежнуваат работата на службите.