Зачленете се во нашиот клуб на читатели и најновите текстови ќе ги добивате на вашата мејл адреса
Секретарот на Општината Валентина Алексовска, присуствуваше на дводневен семинар во Измир, Турција на кој се разгледуваа можностите за брендирање на општината.
При тоа се сретнала со градоначалникот на Бергама, Мелих Кахраман и разговарале за натамошна соработка на двете општини. Бергама е град со 60.000 жители, кон кој гравитираат 114 села, а значаен е по историјата, трговијата, туризмот и земјоделството.
Според Алексовска, секој град треба да има препознатлива карактеристика, по која би се препознавал.
Куманово е мозаик во кој се вклопени повеќе работи. Препознатливи сме различните култури, мултиетничкото живеење, оригиналните јадења, музиката, Деновите на комедија, Тамбурашки фестивал и нашите знаменитости. Брендот ќе го градиме врз основа на сите овие карактеристики- објаснува секретарот.
Искуствата за брендирање на Куманово ќе се црпат од турските градови Сеферихисар и Адана. Адана има 150 000 жители, а градоначалникот Тунцау Олгун, е со македонско потекло.
На семинарот имало претставници од Гази Баба, Валандово, Дојран, Берово, Ресен, Велес и Крушево.
Зачленете се во нашиот клуб на читатели и најновите текстови ќе ги добивате на вашата мејл адреса
