Осудени киднапери на гастарбајтер

Киднапирањето се случи на 23 јули минатата година на местото викано „Менкова колиба„, кога четворицата обвинети го грабнале Нурдини, и побарале 300 иљади евра откуп. Нуредини, кој работи во Белгија критичната вечер бил намамен од поранешната пријателка Садику да се видат на периферијата на градот. Таму го чекале киднаперите, кои со фантомки на главите и вооружени со автоматски пушки го извлекле од неговиот џип, и со селотејп лента му ги врзале рацете и нозете, по што го однеле во куќата на Стојановски во населбата Бабин Дол.  Од таму се јавиле на братот на киднапираниот и побрале откуп и се заканиле дека ќе го убијат ако не ги добијат парите. За­лож­нич­ка­та дра­ма тра­е­ла три де­на, по што Нуредини ус­пе­ал да побегне и да го при­јави слу­ча­јот во по­ли­ци­ја. При прет­рес на ку­ќи­те на осом­ни­че­ни­те било про­најдено оруж­је­то.

Првообвинетиот Стојановски признал дека учествувал во киднапирањето, бидејќи од затворот во Идризово по телефон му се јавило непознато лице, кое му понудило награда до 10 иљади евра да го киднапира гастрабајтерот и да побара откуп од 300.000 евра. Тој наводно толку пари му должел на извесен Енвер Н. во Белгија. Останатите тројца тврделе дека не се вмешани во грабнувањето.

Нуредини ги отфла информациите дека има долг кон некого во Белгија, а ги препознал каднаперите.