Зачленете се во нашиот клуб на читатели и најновите текстови ќе ги добивате на вашата мејл адреса
Основното јавно обвинителство за гонење на организиран криминал и корупција му одреди 8 дена притвор на Виктор Божиновски, раководител во секторот за правни работи во Општина Куманово, под сомнение дека примил мито за легализaција на дивоградба.
Основното јавно обвинителство за гонење на организиран криминал и корупција раководејќи со предистражната постапка утврди постоење на основано сомнение и во најкус можен рок се собраа сите докази до степен на тврдење дека е сторено кривичното дело. По предлог на јавното обвинителство, на лицето му е одредена мерка - притвор во траење од 8 дена, почнувајќи од 27.09.2014 година- велат од Обвинителството за Kumanovonews.
Притворениот ќе одговара за кривично дело - примање награда за противзаконито влијание од чл. 359 ст. 1 од Кривичниот Законик на Република Македонија.
Тој минатата недела од граѓанин побарал 1000 евра за да посредува да се укине решение за уривање на доградба од куќа и ветил дека ќе се изврши нејзина легализација. Сопственикот на објектот откако исплатил 600 евра, случајот го пријавил во полиција. Завчера во угостителски објект во Куманово раководителот е уапсен додека примал 24.000 денари, кои биле криминалистичко технички обработени.