Зачленете се во нашиот клуб на читатели и најновите текстови ќе ги добивате на вашата мејл адреса
Ноемвриската награда- највисокото општествено признание во градот ќе се доделува и годинава по повод 11 Ноември - Денот на ослободувањето на Куманово од фашистичкиот окупатор. По тој повод отворен е повик за предлагање на истакнати поединци, претпријатија, организации, здруженија и заедници кои имаат посебни постигнувања во одделни области.
Предложените кандидати треба да имаат зад себе резултати во работењето и делувањето и посебни остварувања во стопанските и вонстопанските дејности,во текот на едногодишен,но и повеќегодишен период.
„Критериумот е да достигнувањата се достапни и познати на јавноста до 11 Октомври, авторот на делото да е жител на Куманово, организацијата или здружението да се од Општина Куманово и делото или постигнувањата да се тематски поврзани со Општина Куманово”, истакна Невена Величковска, претседател на Комисијата за одбележување празници и манифестации и доделување на награди и признанија.
Право на предлагање имаат претпријатија, установи, здруженија, месни заедници, група граѓани или поедници. Предлозите за награда треба да се достават во писмена форма, со образложение до комисијата. Конкурсот е отворен до 31 октомври. Наградниот фонд изнесува 100.000 денари и се дели меѓу добитниците. Се доделуваат и благодарници, за што одлучува комисијата.
Зачленете се во нашиот клуб на читатели и најновите текстови ќе ги добивате на вашата мејл адреса
