×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Отворен повик за волонтери во Центарот за култура во Куманово

    09.01.2023 08:50 | KumanovoNews

    Центарот за култура „Трајко Прокопиев“ во Куманово ќе ангажира волонтери кои ќе помагаат во реализација на програмските активности во текот на годината.

    Отворен повик за волонтери во Центарот за култура во Куманово

    На повикот можат да се пријават сите кои ја сакаат културата и имаат желба за учење и стекнување на нови вештини.

    „Имавме такво искуство за првпат во 2022 година на фестивалот Денови на комедија, се пријавија неколку млади лица и заедно со нас успешно ја изнесоа целата организација на фестивалот. Во 2023 година сакаме да ја прошириме соработката и на други манифестации како што е Фестивалот на проза кој ќе се организира во мај, за тековните изложби, театарски претстави, концерти и во се друго што ќе организираме во Центарот на култура да ги вклучиме младите“, изјави директотор Сашо Тодоровски.

    Тој додава дека заинтересираните за волентерство не треба да исполнуваат посебни услови, но предност ќе имаат младите луѓе од 18 до 28 години, кои не се постојано работно ангажирани и можат да одговорат на зададените задачи.

    „Најчесто настаните се организираат во вечерните часови, така да тие треба да бидат со нас, воедно и да уживаат во манифестациите кои заедно ќе ги организираме. Предуслови не се потребни, едноставно да ја сакаат културата, да имаат желба за работа и сигурен сум дека за понатаму во животот ќе имаат бенефит од тоа“, објаснува Тодоровски.

    Сите заинтересирани од денеска можат да се пријават во Центарот за култура, а првите настани ќе се организираат по 20 јануари, кога се очекува да биде објавена и Годишната програма на Министерството за култура.

    Ивана Алексовска