Зачленете се во нашиот клуб на читатели и најновите текстови ќе ги добивате на вашата мејл адреса
Во фоајето на Центарот за култура “Трајко Прокопиев“, денеска беше отворена изложба на фотографии „Жената и фотографијата“, која по осми пат ја организира Фото клуб Куманово, во чест на Меѓународниот ден на жената - 8 Март.
На изложбата се поставени 50 фотографии од 50 авторки од државата, кои твореле на две теми: жената и нејзината појава и слободна тема виденa преку објективот на жените автори.
„Меѓународниот дена на жената е потсетник да запреме, да го согледаме и да го славиме напредокот на жената низ историјата, која сведочи за борбата на храбрите и достоинствени жени, со цел обезбедување на подобра позиција на жената во сите сфери на општеството. Жените преку фотографијата прават вистинска револуција во осознавање на светот, која води кон рушење на поделбите, а со тоа и прифаќање на нови мислења и воспоставување на нови парадигми. Како индивидуи или здружени во организации жените се борат за еднаквост на можностите, но и за еднаквост во резултатите. Жената отсекогаш била дел од светот на фотографијата, како муза-инспирација, но и како уметник и автор, која преку фотографии може да дејствува и да инспирира“, изјави Викторија Златковиќ, членка на Фото клуб Куманово.
Изложбата ќе биде отворена до 17 март.
Зачленете се во нашиот клуб на читатели и најновите текстови ќе ги добивате на вашата мејл адреса
