Зачленете се во нашиот клуб на читатели и најновите текстови ќе ги добивате на вашата мејл адреса
Во подрачната единица на Управата за водење на матични книги во Куманово денеска се оддржуваат “Отворени денови“ и до 15 часот граѓаните ќе можат да се информираат за услугите на оваа институција.
Целта е преку “Отворени денови“ управата да биде поблиска до граѓаните и потранспарентна, а раководството од Скопје да поразговара со вработените и да им помогне доколку имаат некакви проблеми во работењето.
Електронскиот матичен регистар како прва фаза е воведен во подрачното одделение Куманово уште на крајот на 2012 година. Тука веќе една година функционира како и во други 11 града во Македонија. Целта на овој матичен регистар е поврзување на сите подрачни одделенија и канцеларии низ Република Македонија за да функционираат меѓусебно. Има повеќе поволности за граѓаните како крајни корисници. Лице родено во Скопје ќе може да вади извод во Битола, Куманово, во сите градови - вели Ашим Зеќировски, директор на Управа за водење на матични книги.
Од управата објаснуваат дека честопати се случува мајка на новороденче да не поседува извод од матична книга на родени, двајцата родители да немаат извод, мајката да почине, а детето кое веќе е возрасно не е запишано во матична книга на родени и тоа го усложнува процесот за добивање на лични документи.
Куманово е претпоследен град во кој се организираат “Отворени денови“ во овој циклус. Утре тимот на управата ќе го посети Штип, а на лето се планира посета на останатите канцеларии во помалите градови.
Зачленете се во нашиот клуб на читатели и најновите текстови ќе ги добивате на вашата мејл адреса
