Зачленете се во нашиот клуб на читатели и најновите текстови ќе ги добивате на вашата мејл адреса
Обезбедени се пакети со прехрамбени продукти, средства за лична хигиена и средства за дезинфекција, информираше градоначалникот на Општина Куманово, Максим Димитриевски.
Од страна на „Елида маркет“ од Куманово се обезбедени 100 пакети на прехрамбени продукти, а од страна на фирмата „Бентони“ Куманово се произведени 2000 литри средство за дезинфекција на простории, мебел, кваки и др. за кое општината набави концентрат.
- Овие пакети ќе бидат дистрибуирани од утре до социјално најзагрозените семејства во градот. Aпелирам на разбирање до граѓаните, ќе се обезбедат во следните денови и дополнителни количини. Да дадеме предност на социјално најзагрозените семејства,- рече градоначалникот Димитриевски.
Телефоните за контакт во општината за асистенција се: 075 207-126 и 077 719-494.
Воедно, Општинскиот кризен штаб обезбеди дополнителни заштитни одела и визири за тимовите за дезинфекција и тимовите за асистенција.
Дел од визирите ќе бидат дадени на користење на Општа болница - Куманово за нивни потреби.