Зачленете се во нашиот клуб на читатели и најновите текстови ќе ги добивате на вашата мејл адреса
Со пет проекти за патна инфраструктура ќе аплицира Општина Старо Нагоричане на владиниот повик за средства од унгарскиот кредит наменет за локалните самоуправи.
Приоритет е патот кон селото Добрача, но во план се и пат во викенд населбата во Драгоманце, малата Костенци и Богдановци, месноста викана Дол, како и патот кај оранжериите кај Младо Нагоричане.
„Ќе аплицираме етапно, зависно од средствата кои ќе ни бидат одобрени, имаме доволно време до крајот на април. Приоритет е дел од пат во должина од 2.200 метри кон селото Добрача, за кој се предвидени 350 илјади евра“, објаснува заменик градоначалникот Бобан Цветановски.
Проектната документација за овој проект е подготвена, до крајот на неделата ќе биде поднесена првата апликација.
На првиот јавен повик на Владата за ова општина беа одобрени два проекти- за пат кон малото Пиленац веќе е потпишан договор со „КООП Инженеринг“ од Куманово, но вредноста на овој договор не е јавно објавен. Тендерот за асфалтирање на локалниот пат кон манастирот Забел е поништен и се очекува повторно започнување на постапката.
Зачленете се во нашиот клуб на читатели и најновите текстови ќе ги добивате на вашата мејл адреса
