Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад деновиве е поставен столб со безбедносни камери. На раскрсницата пред Тутунска банка, пет камери се свртени на сите страни, и ги покриваат двата плоштади.
Камерите ги поставило МВР, како дел од проектот што се спроведува во повеќе градови во државата за зголемување на безбедноста на јавните места и на фреквентните сообраќајници. Од СВР Куманово ни рекоа дека тие не се вклучени во реализација на проектот и немаат информации кога ќе започне видео-надзорот на плоштадот и на раскрсниците.
Дел од граѓаните не се воодушевени од поставувањето на камерите низ градот, бидејќи сметаат дека ќе им се наруши приватноста и ќе се контролира нивното движење. Затоа бараат полицијата навремено да информира од кога ќе почне видео надзорот, бидејќи законска обврска е да се обележат местата што се снимаат.
Зачленете се во нашиот клуб на читатели и најновите текстови ќе ги добивате на вашата мејл адреса
