Пешиќ Бошковска: Владата предложи цените во приватните болници за лекување на ковид пациентите да бидат од 40.000 до 305.000 денари

„Ваквото регулирање на цените во време на пандемија е неопходно, за да не се доведеме во ситуација приватните здравствени установи да останат недостапни за огромен број на граѓани од земјата. Овие чекори се преземаат за да се озвоможи, здравствените услуги во приватните болници да бидат достапни за сите граѓани, со што ќе се заштити јавното здравје и економските интереси на нашите граѓани. Со измените е предвидено и користење на приватните болници доколку условите го наложуваат тоа, согласно со состојбата со ковид пандемијата, во име на заштитата на јавното здравје и се забранува преземање на здравствените работници од јавното здравство од страна на приватните здравствени установи. Предвидени се и измени во делот на глобите со прекршоци, доколку приватните здравствени установи не постапуваат соглсасно законските одредби. Измените на законот за здравствена заштита наскоро ќе се најдат пред пратениците“, додаде Пешиќ Бошковска.

 Таа изрази жалење, како што рече, по вчерашното нехумано однесување на опозицијата за донесување на 5-тиот сет на мерки за справување со пандемијата, но во исто време, како одговорна партија остануваат посветени на заштитата на јавното здравје без разлика на опструкциите на опозицијата да го покажат спротивното.

„Во време на светска здравствена криза, очекуваме да преовладее разумот во надминување на истата, а не преку препукување и борба за превласт да се собираат евтини политички поени по грбот на граѓаните“, кажа Пешиќ Бошковска.