Зачленете се во нашиот клуб на читатели и најновите текстови ќе ги добивате на вашата мејл адреса
Во Општинската изборна комисија (ОИК) во Куманово доставени се пет кандидатури за градоначалник и 13 советнички листи за престојните локални избори.
Кандидати за градоначалник имаат партиите: ВМРО-ДПМНЕ, СДСМ, ЛДП и ДОМ, Алијанса на Албанците и Алтернатива и еден независен кандидат.
За пополнување на 33 советнички места во Советот на Општина Куманово кандидатски листи доставиле 10 политички партии и три граѓански иницијативи.
Независни листи за советници се: „Фронт за урбано Куманово“, „За чисто и хумано Куманово“ и „За наше Куманово“, додека партиски листи доставиле: СДСМ, ВМРО-ДПМНЕ, Интегра и Мак, Левица, ЛДП и ДОМ, ДУИ, Алијанска на Албанците и Алтернатива, Единствена Македонија, ДПА и Беса.
Од Општинската изборна комисија велат дека се уште трае процедурата за разгледување на кандидатските листи за градоначалници и советнички листи, по што официјално ќе ги објават.
Зачленете се во нашиот клуб на читатели и најновите текстови ќе ги добивате на вашата мејл адреса
