Зачленете се во нашиот клуб на читатели и најновите текстови ќе ги добивате на вашата мејл адреса
Александар Арсиќ, Мартин Костовски, Николина Симоновска, Весна Трајковска и Лидија Тасевска се членови на новиот Централен одбор, кој брои 113 членови, а денеска беше избран на 30. конгрес на СДСМ.
„Избравме луѓе коишто се почитувани во општинските организации, имавме соодветни критериуми по кои беа избрани и на нив им посакувам успешна работа. Сметам дека ќе бидат одлични претставници во својот регион, на општинските организации“, рече лидерот Венко Филипче.
Александар Арсиќ е претседател на општинската организација на СДСМ, Мартин Костовски поранешен пратеник, Николина Симоновска од СДММ, Весна Трајковска секретар на СДСМ Куманово и Лидија Тасевска, поранешка пратеничка.
Филипче најави дека во текот на наредната недела ќе биде комплетиран изборот и на останатите раководни органи и тела на СДСМ.
„Првиот состанок на новиот состав на Централниот одбор ќе се одржи во текот на оваа недела и тука ќе бидат избрани членовите на новиот Извршен одбор, потпретседателите и секретарите на партијата со што во текот на оваа недела се заокружува целокупниот процес на поставување на ново партиско раководство“, рече претседателот на СДСМ.
Зачленете се во нашиот клуб на читатели и најновите текстови ќе ги добивате на вашата мејл адреса
