Зачленете се во нашиот клуб на читатели и најновите текстови ќе ги добивате на вашата мејл адреса
Во изложбениот салон на Центар за култура „Трајко Прокопиев” Куманово утре со почеток во 19 часот ќе биде отворена самостојна изложба на фотографии “Планината го има последниот збор” од Бобан Стефановски.
Бобан Стефановски е планинар и планинарски водич, човекот кој се има искачено на неколку планински врвови низ светот, како и највисоките врвови и кај нас.
„Ми требаше долго време да ја поминам онаа бариера и да споделам еден мал дел од моите фотографии од моите искачувања. Како што секоја планина е убава, посебна и опасна на свој начин, така и секоја фотографија си има своја убавина и раскажува своја приказна. Секоја од фотографиите претставува одреден фрагмент, одреден момент од она на што јас сум сведок. Фотографијата ги претставува сите мои лични успеси и порази, сите битки низ кои поминувам на планина, без разлика дали се внатрешни или надворешни", изјави Стефановски.
Преку неговите фотографии тој ни покажува фрагменти од животот на планината, височините и магијата на недостижното кое авторот го достигнал.
Изложбата ќе биде поставена до 27 април 2023 година.
Зачленете се во нашиот клуб на читатели и најновите текстови ќе ги добивате на вашата мејл адреса
