Зачленете се во нашиот клуб на читатели и најновите текстови ќе ги добивате на вашата мејл адреса
Центарoт за социјална работа Куманово започна со обнова на документи за родителски додаток за трето и четврто дете.
Правото на родителски додаток за трето дете се однесува на сите корисници кои со ова право се стекнале заклучно со 23.03.2020 година.
„Документите можат да се поднесат до 31.03.2021 година а потребно е освен барањето бр 5. да се достават следните документи. Лична карта на носителот на правото на увид, доказ дека не и е одземено родителското право на мајката над децата од претходниот ред на раѓање-издаден од надлежниот суд, доказ за вршење на задолжителните вакцинации на детето за кое се остварува правото, потврда дека детето за кое се остварува правото е запишано и редовно ја следи наставата во основно училиште, издадена од установата во која е запишано“, - соопштуваат од Центарот за социјални работи.
Корисниците на правото кои живеат на територија на Општина Куманово документите требаж да ги достават на шалтерите во просториите на Детска заштита каде можат да го добијат и барањето.
Корисниците на правото кои живеат на територија на Општина Липково документите треба да ги достават во канцелариите на Службата во Општина Липково, додека корисниците на правото кои живеат на територија на Општина Старо Нагоричане документите треба да ги достават во канцеларијата на Центарот во Општина Старо Нагоричане.